සිංහල
ආපදා හේතුවෙන් සේවයට නොපැමිණි රාජ්ය නිලධාරීන්ට විශේෂ නිවාඩු
ජල ගැලීම්, ගංවතුර, නායයෑම් සහ මාර්ග අවහිරතා හේතුකොටගෙන සේවයට නොපැමිණි රාජ්ය නිලධාරීන් සඳහා විශේෂ නිවාඩු ලබාදීමට රජය තීරණය කර තිබේ.
ජනාධිපති ලේකම් කාර්යාලයේ පැවති සාකච්ඡාවක් අමතමින් ජනාධිපතිවරයා කියාසිටියේ දිසානායක මන්ත්රීවරයා පෙන්වූ ලිපිගොනුවල ඇත්තේ පිටපත් පමණක් බවත් ඒවායේ මුල් ලිපිගොනු තමන් සතුව තිබූ බවත්ය.
"දුෂණය පාලනය කරන්නේ, අවම කරන්නේ, නැති කරන්නේ කෙසේ ද යන වගට යාන්ත්රණයක් අපි යෝජනා කරනවා. මම කියන්නෑ හොරු අල්ලනවා කියල. ඒ හොරා පොලිස් සෙල්ලම් කරන එක. මගේ මිත්ර අනුර කුමාර දිසානායක ෆයිල් 400ක් පෙන්නුවා එක දවසක. ඒ කොපි. ෆයිල් තියෙන්නේ මං ළඟ. අගමැති හැටියට වෙනම අපිට බාර දුන්නා දුෂණය පිළිබඳ විභාග කරන කොමිසම. ඒක ඉස්සරවෙලා තිබුනේ ජනාධිපති මෛත්රිපාල සිරිසේන යටතේ. ඒ ෆයිල් 400 තියෙනවා. ඒ 400න් ඔක්කොම විභාග කරලා අපේ මිත්ර ආනන්ද විජේපාල මැතිතුමා 40කට නඩු දැම්මා. ඉතුරු 360 නිකන් හිස්."
2015 යහපාලන රජය යටතේ පිහිටුවන ලද දූෂණ විරෝධී ලේකම් කාර්යාලයේ ලේකම්වරයා ලෙස කටයුතු කළේ ජනතා විමුක්ති පෙරමුණේ නායක අනුර කුමාර දිසානායක නම්කරන ලද ආනන්ද විජේපාලය.
