English
පළාත් තුනක පාසල් 640ක් හෙට ආරම්භ නොවන බවට දැනුම්දීමක්
ඌව, මධ්යම සහ වයඹ පළාත්වල පාසල් 640ක් හෙට (16) දිනයේ ආරම්භ කළ නොහැකි බව අධ්යාපන, උසස් අධ්යාපන සහ වෘත්තීය අධ්යාපන අමාත්යාංයේ ලේකම් නාලක කලුවැව පවසයි.
2025 වර්ෂය සඳහා මුද්රණය කිරීමට නියමිත පෙළ පොත් වර්ග 317න් පෙළපොත් වර්ග 71ක් රාජ්ය මුද්රණ නීතිගත සංස්ථාවෙන් මුද්රණය කරවා ගැනීමට 2024-04-01 දිනැති අමාත්ය මණ්ඩල රැස්වීමේදී අනුමැතිය ලබා දී ඇත.
2025 වර්ෂයේදී පාසල් දරුවන් වෙත නොමිලේ බෙදා හැරීමට අවශ්ය ඉතිරි පාසල් පෙළපොත් වර්ග 246 මුද්රණය කරවා ගැනීම සඳහා ජාතික තරගකාරී ලංසු කැඳවා තිබේ.
ඒ අනුව, අමාත්ය මණ්ඩලය විසින් පත් කරන ස්ථාවර ප්රසම්පාදන කමිටුවේ නිර්දේශ පරිදි අවම මිල ගණන් ඉදිරිපත් කරනු ලැබ ඇති මුද්රණ ආයතන 24 ක් වෙතින් 1, 6 සහ 10 ශ්රේණි හැර අනෙකුත් ශ්රේණි වල පෙළ පොත් මුද්රණය කරවා ගැනීම පිණිස අධ්යාපන අමාත්යවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී.
