සිංහල
ආපදා හේතුවෙන් සේවයට නොපැමිණි රාජ්ය නිලධාරීන්ට විශේෂ නිවාඩු
ජල ගැලීම්, ගංවතුර, නායයෑම් සහ මාර්ග අවහිරතා හේතුකොටගෙන සේවයට නොපැමිණි රාජ්ය නිලධාරීන් සඳහා විශේෂ නිවාඩු ලබාදීමට රජය තීරණය කර තිබේ.
මෙම ගැටලුව සම්බන්ධයෙන් අවශ්ය පියවර ගන්නා බවට සෞඛ්ය අමාත්යංශය මීට පෙර එකඟතාව පළකර තිබුණ ද එම එකඟතාවයන් ක්රියාත්මක කිරීමට බලධාරීන් අපොහොසත් වී ඇති බව රජයේ වෛද්ය නිලධාරීන්ගේ සංගමය පෙන්වා දෙයි.
එමනිසා අද උදෑසන 08 සිට හෙට උදෑසන 08 දක්වා රජයේ වෛද්ය නිලධාරීන්ගේ සංගමය රත්නපුර ශික්ෂණ රෝහලේ වැඩවර්ජනයක් ක්රියාත්මක කිරීමට සැලසුම් කර තිබේ.
රෝහල තුළ හදිසි සහ ජීවිතාරක්ෂක ප්රතිකාර සේවා එලෙසම පවත්වාගෙන යනු ලබන අතර දෛනික ප්රතිකාර සේවාවවන් සියල්ල අඩාල වනු ඇති බව රජයේ වෛද්ය නිලධාරීන්ගේ සංගමය සඳහන් කළේය.
මේ අතර සිය ගැටලු විසඳීම සඳහා බලධාරීන් පියවර නොගතහොත් ඉදිරියේ දී වෘත්තීය සමිති ක්රියාමාර්ගවල නිරත වන බව විශ්වවිද්යාල ආචාර්යවරුන්ගේ සමිති සම්මේලනය පවසයි.
එහි ලේකම් ජ්යෙෂ්ඨ කථිකාචාර්ය චාරුදත්ත ඉලංගසිංහ සඳහන් කළේ, සිය ගැටලු සම්බන්ධයෙන් සාකච්ඡා කිරීමට අවස්ථාවක් ලබාදෙන ලෙස ජනාධිපතිවරයාගෙන් ද ඉල්ලීමක් කරන බවය.
