සිංහල
පළාත් තුනක පාසල් 640ක් හෙට ආරම්භ නොවන බවට දැනුම්දීමක්
ඌව, මධ්යම සහ වයඹ පළාත්වල පාසල් 640ක් හෙට (16) දිනයේ ආරම්භ කළ නොහැකි බව අධ්යාපන, උසස් අධ්යාපන සහ වෘත්තීය අධ්යාපන අමාත්යාංයේ ලේකම් නාලක කලුවැව පවසයි.
මියන්මාර රජයෙන් සහ අසල්වැසි රටවලින් විදේශ කටයුතු අමාත්යාංශය දිගින් දිගට කළ ඉල්ලීම්වල ප්රතිඵලයක් ලෙස වහල් කඳවුරක සිරවී සිටි ශ්රී ලාංකිකයන් 20 දෙනා මුදා ගැනීමට සමත් වූ බව විදේශ කටයුතු අමාත්යාංශය පැවැසුවේය.
මුදාගත් ශ්රී ලාංකිකයන් 20 දෙනා ආරක්ෂිතව පෙරේදා(14) තායිලන්තයේ මේ සොට් නගරය වෙත පැමිණි බව විදේශ කටයුතු අමාත්යාංශය ප්රකාශ කළේය. තායිලන්තය ශ්රී ලංකා තානාපතිනි විජයන්ති එදිරිසිංහ මුදාගත් ශ්රී ලාංකිකයන් 20 දෙනා මේ සොට් නගරයේදී මුණ ගැසී ඇති බවද විදේශ කටයුතු අමාත්යාංශය සඳහන් කළේය.
තායිලන්ත බලධාරීන් එම ශ්රී ලාංකිකයන්ට අවශ්ය කන්සියුලර් සහාය ලබා දෙන බවත් ඔවුන් සියලු දෙනා හොඳ ශරීර සෞඛ්යයෙන් සිටින බවත් විදේශ කටයුතු අමාත්යාංශය පැවැසුවේය.
ඔවුන් ශ්රී ලංකාවට එවීමට අවශ්ය පියවර ගැනීම සඳහා බැංකොක්හි ශ්රී ලංකා තානාපති කාර්යාලය තායිලන්ත බලධාරීහු සමඟ සම්බන්ධීකරණය කරන බවද විදේශ කටයුතු අමාත්යාංශය ප්රකාශ කළේය.
ඉතිරි ශ්රී ලාංකිකයන් 34 දෙනා මුදා ගැනීම සඳහා මියන්මාර තානාපති කාර්යාලය සමග සම්බන්ධ වී කටයුතු කරන බවත් සංචාරක වීසා මත විදේශ රැකියා සඳහා නොයන්න යැයි ශ්රී ලාංකික ජනතාවගෙන් ඉල්ලා සිටින බවත් විදේශ කටයුතු අමාත්යාංශය පැවැසුවේය.
(lankadeepa.lk - විමුක්ති එස් රුද්රිගු)
